အပျင်းကြီးတာကို ပြင်လို့ရလား? 🥱
လူတိုင်းကတော့ ပျင်းတတ်ကြတာပဲဗျ။ တခါတလေပျင်းတာ ကိစ္စမရှိပေမယ့် လုပ်စရာ အလုပ်တွေ စာတွေ တန်းစီ ပုံနေတာမျိုးကို မလုပ်ချင် မကိုင်ချင် အမြဲ ပျင်းနေမိပြီး ဘာမှ မလုပ်မိဘူးဆိုရင်တော့ ဒါက အကျင့်ဆိုး တစ်ခု ဖြစ်နေပြီလို့ ဆိုရမှာပါ။
ဘာကြောင့်ဆို ကျွန်တော်တို့ တစ်ဉီးတစ်ယောက်ချင်းစီတိုင်းရဲ့ Personal Growth က အရေးကြီးပါတယ်။ အထူးသဖြင့် လူငယ်တွေမှာ ပျင်းလိုက် အလုပ်တွေမပြီးလိုက် ကြုံသလို မြန်မြန် ထလုပ်လိုက်နဲ့ အချိန်ကြာလာတာနဲ့အမျှ ကိုယ့်ရဲ့ စွမ်းဆောင်ရည်နဲ့ အရည်အချင်းတွေ ကျဆင်းလာမယ်။ တီထွင်ဖန်တီးနိုင်စွမ်းနဲ့ ကိုယ့်ကိုယ်ကိုယ်ယုံကြည်မှုပါ ပျောက်ဆုံးလာစေမယ့်အပြင် အပြောင်းအလဲတစ်ခု ကြုံရင် ဘာမှ အဆင်သင့်မဖြစ်ဘဲ အခက်တွေ့ပြီး လူရော စိတ်ပိုင်းဆိုင်ရာပါ အကျိုးဆက်တွေ အများကြီး ခံစားကြုံတွေ့ရမှာပါ။
ဒီတော့ ဘယ်လို ပြင်ကြမလဲ? 👀
✔️5 second rule သုံးပါ။
တစ်ခုခုလုပ်စရာ ပေါ်လာပြီဆို ရေလိုက်နံပါတ်စဉ် စ ရေလိုက်ပါ။
၅
၄
၃
၂
၁
ကဲ.... စလုပ်လိုက်ပါတော့...
ဒါပါပဲ ။ တစ်ခုခု လုပ်စရာရှိတယ်ဆို ဘယ်အချိန် လုပ်ရမလဲ တွေးနေတာထက် ခု လုပ်လို့ရတာကို အရင် စလုပ်ထားလိုက်တာက အပျင်းကြီး အချိန်ဆွဲတတ်တဲ့ အကျင့်ကို ဖျောက်ဖို့ အကောင်းဆုံး အဖြေပါပဲ။
✔️ အနှောက်အယှက်ကို သိပါ။
ငါတော့ ဖုန်းနဲ့ ယောင်စိန်လုပ်တာများနေပြီ စာလုပ်ဉီးမှ ဆိုတဲ့ အသိလေး ဝင်လာပြီဆိုတာနဲ့ အချိန်တစ်ခု သတ်မှတ်လိုက်ပါ။ ညစာစားပြီးတာနဲ့ ဖုန်းပဲသုံးမယ် အပန်းဖြေမယ်ဆို ကိုယ်လုပ်ရမဲ့ စာတွေ အလုပ်တွေကို ဒီနေ့ ဘယ်အချိန်မှာ အပြီး လုပ်မယ်ဆိုတာမျိုး အချိန်ဇယားချ ပြီးအောင်လုပ်ပါ။ အလုပ်အားလုံးပြီး အေးဆေး ဘာမှ နောက်ဆံတင်းစရာမလိုဘဲ အပန်းဖြေ ရတဲ့ အရသာကို သိသွားပါလိမ့်မယ်။
Task အသေးလေးတွေ ဖြစ်အောင် ခွဲကြည့်ပါ။
✔️ ဉပမာ စာလုံးရေး 5000 အက်ဆေးရေးရမယ်ဆိုပါစို့။ တစ်နေ့ထဲ ငါးထောင်ဆို မရေးနိုင်ဘူးဆိုတာက စတွေးပြီးကို မလုပ်ချင် မလုပ်ဖြစ် ပျင်းသွားတော့တာပဲ။ ဒီတော့ ဒီ အက်ဆေး ပြီးဖို့ အချိန် ၁၀ရက် ရတယ်ဆို တစ်ရက်မှာ စာလုံးရေ ဘယ်လောက်ရေးရမလဲ ရေးနိုင်လဲဆိုတာမျိုးပြန်တွက်ပြီး နည်းနည်းချင်းစီ လုပ်ကြည့်ပါ။
ကဲ .... ဒီအချက်လေး သုံးချက်ကတော့ လွယ်လွယ်နဲ့ မြန်မြန် ကိုယ်တိုင် လိုက်ကျင့်ယူပြီး တစ်နေ့တစ်နေ့ အချိန်ဆွဲ အပျင်းကြီးနေတဲ့ အကျင့်ဆိုးကြီးကို ဖျောက်နိုင်အောင် မျှဝေပေးထားတာပါ။
ကိုယ်တိုင်ရော ဒီလိုမျိုး ကြုံခဲ့ဖူးရင် ဘယ်လို ပုံစံနဲ့များ ဖျောက်ပစ်ပြီး မိုတီ ပြန်ယူခဲ့ဖူးလဲ မျှဝေ ခဲ့ပေးပါဉီးဗျ။
ညီငယ် ညီမငယ်တွေ အားလုံး ကိုယ်ရည်ရွယ်ရာ အိပ်မက်ပန်းတိုင်တွေကို ဖြစ်မြောက်အောင် ကြိုးစား အကောင်အထည်ဖော်နိုင်ကြပါစေ။ 💙
