ဘဝရဲ့ တိုးတက်အောင်မြင်မှုအတွက် အခြေခံအုတ်မြစ်တည်ဆောက်တဲ့အခါ ကိုယ့်ရဲ့ ရည်ရွယ်ချက်၊ အလေ့အကျင့်နဲ့ စည်းကမ်းတို့ဟာ အရေးကြီးတဲ့ အခန်းကဏ္ဍမှာပါဝင်နေပါတယ်၊ ဥပမာအားဖြင့် ကျောင်းသားတစ်ယောက်အတွက် ပုံမှန်လေ့လာသင်ယူတတ်တဲ့ အလေ့အထရှိခြင်းက ပိုမိုကောင်းမွန်တဲ့ ပညာရေးစွမ်းဆောင်ရည်ကို ဖြစ်ပေါ်စေပြီးတော့ ပိုကောင််းတဲ့ ရလဒ်တွေကို ရနိုင်ပါလိမ့်မယ်။
"အနာဂါတ်ကို မပြောင်းလဲနိုင်ပေမယ့် ကိုယ့်ရဲ့ အလေ့အကျင့်တွေကို ပြောင်းလဲခြင်းဖြင့် အနာဂါတ်ကိုလည်း ပြောင်းလဲဖန်တီးနိုင်ပါတယ်"လို့ အိန္ဒိယနိုင်ငံရဲ့ သိပ္ပံပညာရှင်တစ်ဦးလည်းဖြစ်၊သမ္မတဟောင်းလည်းဖြစ်တဲ့ ဒေါက်တာ အဗ္ဗဒူလ် ကာလမ်က ပြောဆိုခဲ့ဖူးပါတယ်။
ကိုယ့်ရဲ့ မကောင်းတဲ့ အလေ့အကျင့်တွေကိုအကဲခတ်ပြီး ပြင်ဆင်နိုင်အောင်ကြိုးစားပါ။
(ကိုယ့်ကိုကိုယ် အသိဆုံးဖြစ်တာမို့ ကိုယ့်ရဲ့ အောင်မြင်မှုလမ်းကြောင်းကို ဘယ်အလေ့အကျင့်က အဟန့်အတားဖြစ်နေသလဲဆိုတာကို ရှာဖွေပြီး အကောင်းဆုံးပြင်ဆင်ပါ)
Plan ကောင်းကောင်းတစ်ခုကို တည်ဆောက်ပါ၊ ဖြည်းဖြည်းနဲ့ မှန်မှန် လုပ်ဆောင်ကြည့်ပါ။
(မကောင်းတဲ့အကျင့်တွေကို ဖယ်ရှားပြီးတဲ့အခါ အကောင်းဆုံးတွေကို စွမ်းဆောင်နိုင်ဖို့ ဖြည်းဖြည်းနဲ့ မှန်မှန်လေး ကြိုးစားလုပ်ဆောင်ကြည့်ပါ)
စိတ်ရှည်သည်းခံပါ။
(ဘယ်အရာမှ ချက်ချင်းဖြစ်မလာဘူးဆိုတာကို လက်ခံပါ၊ စိတ်ကူးအိပ်မက်တွေအတွက် စိတ်ရှည်ရှည်နဲ့ အကောင်အထည်ဖော်ပါ)
ကြုံတွေ့လာတဲ့ အခြေအနေအရ လိုအပ်သလို အကောင်းဆုံးကို ကြိုးစားပြင်ဆင်ပါ။
(ကိုယ်က တစ်မျိုးစီစဥ်ထားပေမယ့် အခြေအနေအရ နောက်တစ်မျိုးစီစဥ်လုပ်ဆောင်ရတော့မယ်ဆိုလည်း စိတ်မပျက်ပါနဲ့..အကောင်းဆုံးဆက်လက်ကြိုးစားပါ)
ပိုမိုကောင်းမွန်တဲ့ အနာဂါတ်ကို ဖန်တီးရင်း ပိုမိုကောင်းမွန်တဲ့ အလေ့အထတွေကိုမွေးမြူခြင်းဖြင့် အလုံးစုံအောင်မြင်မှုကို ဆွတ်ခူးနိုင်ကြပါစေလို့ Brightway မှ ဆုမွန်ကောင်းတောင်းပေးလိုက်ပါတယ်။
Read More
စိတ်ကိုပိတ်ထားသူနဲ့ ဖွင့်ထားသူ (သို့)Fixed Mindset 🆚 Growth Mindset အကြောင်း Fixed Mindset ဆိုတာဘာလဲ❓ ကိုယ့်စိတ်ကို...
